Skemmtilegur kall.

Mér þykir svo vænt um hann Jón Bjarnason. Það er eitthvað svo íslenskt við hann.

Að við eigum ekkert erindi inn í ESB.

 Það hlýtur að vera þjóðin sem ákveður það ef við búum í lýðræðissamfélagi.

Svo er það spurningin hvort við eigum erindi þangað. Henni hlýtur þjóðin að svara.

Eigum ekkert erindi í ESB

Ekki bera sig saman við Noreg

Noregur hefur sérhæft sig í orkusölu og fær mjög hátt verð fyrir orkuna.

Norðmenn leggja fyrir fé í sjóð sem er ætlað að knýja samfélagið áfram á nýjar brautir þegar olía þverr.

Ríkt samfélag Norðmanna hefur efni á að borga 100 - 200 000 í orkukostnað á mánuði fyrir hvert heimili á mánuði á köldum vetrum. Við erum ekki svo vel stödd. Að láta sér dreyma um orkuverð í þessa veru er óraunhæft. Berum okkur frekar saman við það verð sem fæst fyrir þá orku sem seld er þeim fyrirtækjum sem fást til að koma hingað, frekar en til Noregs.

Lágt orkuverð skilar miklum tekjum til ríkissjóðs í formi aukins kaupmáttar þjóðarinnar. Kaupgeta almennings er einhver besta tekjulind ríkissjóðs. Að höggva skarð í hana með t.d. háu orkuverði er ekki endilega skynsamlegt.

Norðmenn sem búa við hátt raforkuverð, verða nú að halda stýrivöxtum mjög lágum m.a. vegna slakrar samkeppnisstöðu útflutningsgreina. Eitt a því sem veikir hana er orkuverð. Vörur þarf að framleiða og flytja til Evrópu og það kostar rándýra orku.

Á meðan orkuframleiðsla Norðmanna er jafn gífurleg, geta þeir búið við þetta slæma ástand í útflutningsgreinum. Þeir missa mjög mörg atvinnutækifæri til útlanda á hverju ári vegna þessa. Við flytjum sum þeirra inn. Við erum ekki sú orkuþjóð sem getur leyft sér það sem Norðmenn gera.

Sjávarföllin gætu knúið heimilin

Aðlögum Ísland!

Við skulum aðlaga Ísland að þeim aðstæðum sem það er í nú.

Tökum þessum styrkjum fagnandi og látum vera að skattlegja þá, en fyrst:

-skulum við örva smáfyrirtæki til dáða með raunverulegum aðgerðum, því þau skapa mikla atvinnu

-fellum niður skatta af styrkjum til rannsókna og nýsköpunar

-aðlögum Ísland að þeim aðstæðum þar sem fjölskyldur geta búið saman, en þurfi ekki að senda meðlimi sína á brott út í heim til að verjast fjárhagslegum ágangi banka, sem ríkið stofnaði, útbjó með vopnum en skildi viðskiptavinina eftir varnarlausa.

-gefum skattaafslátt af kostnaði við ferðalög og tvöfalt heimilishald fjölskyldna sem eru í "miliríkjasambandi"

-Þar til við höfum gert þetta skulum við láta það fólk sem eftir er í landinu njóta þess að löggjöfin er eins og hún er og hirða þessa sjálfsögu skattekjur

„Þetta er bara galið“

Hagstæð niðurstaða

Fólki í Norgi hrýs hugur við að Breivik sleppi nokkurntíma lausm

Þessi úrskurður gerir það að verkum að hægt er að hafa hann í öryggisgæslu svo lengi sem hann lifir. Fólk þarf því ekki að óttast að þurfa að óttast að hitta hann á götu.

Það hefur komið í ljós að þegar börn á yngri stigum grunnskólans eru beðin að teikna það sem þau óttast í umhverfi síniu, teikna þau mynd af þessum manni með byssu, verandi að skjóta börn.

Ég held því að fólk geti andað svolítið léttar.

Breivik ósakhæfur

Brandari!

Nubo sakar Ísendinga um hræsni og að þessi ákvörðun sé til marks um fordóma vesturlanda í garð Kínverja. Hann ætlar að snúa sér til Finnlands eða Svíþjóðar.

Noregur sem er eðlilegur hluti af því landssvæði sem hann nefnir kemur ekki til greina. Norðmaður var formaður Nóbelsverlaunanefndarinnar sem veittu þau til Lu Xiabo, sem ekki er í náðinni hjá Kínverskum yfirvöldum. Kínversk yfirvöld hafa fryst öll náin samskipti við Norðmenn og þeir eiga í miklum erfiðleikum með viðskipti við þá núna.

Hann ber af sér sambönd við Kínversk yfirvöld og ásakar okkur um hræsni.

Þótt ég sé í raun hlynntur því að ekki eigi að mismuna einstaklingum eftir þjóðerni verð ég að segja að eftir að sjá viðrögðin hjá Nubo er ég feginn að hann kom ekki hingað. Hann er mikill hræsnari og lýðskrumari. Ég skil ekki að menn skuli taka upp hanskann fyrir svona manni.

Góða ferð Nubo!

Huang gagnrýnir Vesturlönd

Krúttlegt stórmennskuæði

Rétt´upp hönd þeim sem er sama þótt hann fái ekki jólakort frá Cameron!................

...............................................................................................................................

................ grunaði mig ekki.

 

Forsetinn fékk ekki jólakort frá Cameron

Einfaldara að snyrta

Snyrtar aspir sem haldið er í skefjum hvað stærð varðan fara ekki með rætur um víðan völl.

Hins vegar er það virðingarvert að auka fjölbreytileikann í miðborginni.

Kostar um 10 milljónir að skipta um tré

Margir kostir fyrir Ísland

Þegar erlend farartæki valda tjóni hér gagnvart einstaklingum, eða þegar stórfelldar björgunaraðgerðir fara fram vegna aðila sem tryggðir eru erlendis er málareksturinn einfaldari.

Ég held að þarna geti frekar verið um sparnað fyrir Íslensk tryggingafélög þar sem hlutfall erlendra ferðamanna og tjóna af þeira völdum hérlendis er sennilega mun hærra, en íslendinga erlendis og tjónum sem þeir valda þar.

Álag á tryggingarfélög

Flóttamenn eru ekki með í greiningum

Ekki veit ég hversu margir Íslendingar eru í sömu sporum og ég. Að vera erlendis  í vinnu vegna atvinnuástands og skulda. 7-12 manns hafa flutt erlendis á dag síðan eftir hrun, umfram aðflutta. Nýlega var verið að tala um 5 á dag, en tölur hagstofunnar fyrir árið liggja ekki fyrir enn. Var um 7 í fyrra.

Ef 5000 manns eru nú erlendis og greiða skuldir heima með sama hætti og ég, er um að ræða árlegt flæði gjaldeyris inn í landið upp á 15-18 milljarða á ári.

Eru þessar tölur nefndar. Nei! Hvers vegna ekki? Því þær búa ekki til þá glansmynd sem er verið að reyna að draga upp af erfiðleikum íslensku þjóðarinnar.

Á meðan svona er lesið í opinber gögn er engu að treysta sem sagt er um efnahagsbatann hér á landi. Mér er minnisstætt þegar aukning í brottförum frá Keflavíkurflugvelli skömmu eftir hrun voru teknar sem teikn um aukningu í ferðaþjónustu. Í ár fljúgum við fjölskyldan 28 stakar flugferðir með Icelandair til þess eingöngu að geta verið fjölskylda. Það er aukning í ferðaþjónustu.

Að fólk versli fyrr nú er ekkert ósennilegt, en líta verður til þess að gengi t.d. norsku krónunnar var um 10% lægra á sama tíma í fyrra og verið er að bera saman nú. Það má heldur ekki gleyma því að góðærisfötin eru orðin nokkuð slitin og þau þurfa endurnýjunar við. Sjálfur er ég farinn að nota 15-25 ára gömul föt sem ég geymdi upp á grín, því eg hef ekki efni á öðru. Þrátt fyrir góðar tekjur.

Mikið vona ég samt að einhverntíma fái maður að sjá enhver gögn sem með óyggjandi hætti benda til þess að fólkið í landinu og aðstandendur þess(sem þurfa að dvelja langdvölum erlendis vegna atvinnuástands og skulda) séu farið að hafa það betra.

Jólaverslunin fyrr af stað?

Ekki sæstreng takk

Ég starfa fyrir fyrirtæki í eigu orkufyrirtækis og stjórnarformaður þess er framkvæmdastjóri í virkjun einni í Noregi. Þannig hef ég kynnst hvernig verð er nú orðið breytilegt eftir að Noregur tengdi raforkukerfið nágrannalöndunum.

Fyrirtækið sem ég starfa fyrir er fiskeldisfyrirtæki sem fær kælivatn frá túrbínum orkufyrirtækisins. Hitastigið í fiskeldisstöðinni ræðst af tveimur þáttum: umhverfishita og verði á raforku í Evrópu. Þegar hátt verð fæst fyrir orkuna hækkar verðið til almennra neytenda einnig

Eitt sinn heyrði ég framkvæmdastjórann skýra út að hátt verð á raforku orsakaðist af skilyrðum sem stjórnvöld sköpuðu greininni.

Það getur kostað allt að 200 000 krónur að hita hús í þessu litla sveitaþorpi sem lét auðlindina í hendur raforkufyrirtækinu. Algengt verð á veturna er um 100 000, enda er orðið mun algengara að kynda með viði. Það gerir göngutúra lítt freistandi seinnipart dags, vegna mengunar.

Við höfum vítin til að varast þau. Við ættum að tryggja lágt verð fyrir orku handa íslendingum, áður en við förum að selja hana úr landi. Stjórnvöld geta, og ættu, að tryggja lágt verð til heimila, samgangna og ylræktarstöðva, áður en farið er að huga að útflutningi.

Hvað verður um orkuna ætti að fara í lýðræðislegt ferli svo við upplifum ekki annað ósætti hjá þjóðinni eins og þegar kvótakerfinu var komið á.

Ég held að fólk geri sér ekki grein fyrir því hve mikil búbót hagstætt verð á orku er fyrir Íslendinga. Hún á líka að vera það. Sérstaklega næstu áratugina. Nú er búið a binda fólk í skuldaklafa og við megum ekki við hærri orkureikningum til viðbótar.

Einangrun raforkukerfisins verði rofin